பாயும் மின்னலென பார்வை பட்டதென்ன
தேயும் மேகமென தேகம் மெலிந்ததென்ன
ஓடும் தென்றலென மனம் வட்டமிட்டதென்ன
ஆடும் இலைகளென தலை அசைந்ததென்ன
பாடும் கருங்குயிலென ஓசை பிறந்ததென்ன
தாளம் போடும் மழையென இன்பம் பொழிந்ததென்ன
தேடும் நதியென ஆசை நீண்டு வளர்ந்ததென்ன
ஓங்கி வளரும் காடினைப்போல் காதல் ஆவதென்ன
துளை மூங்கிலில் முங்கிடும் காற்றைப்போல் ராகம் கசிந்ததென்ன
மேவிடும் மலைக்குன்றென நேசம் கூடுவதென்ன
சுடர் ஒளிவிடும் சூரியனாய் எங்கும் எனைச் சூழ்வதென்ன
காரிருளில் முளைக்கும் விண்மீனாய் கண்ணில் கனவு பூப்பதென்ன
மாரினில் தஞ்சம் புகும் முகமாய் மஞ்சத்தில் மயங்குவதுமென்ன
யார் யாரோ வந்தாலும் உனக்கிணையாகிடா ததென்ன
நாம் ஓருயிர் என்றாகினும் தனித்தனி ஈருடலாவதென்ன
சகியே ~~~
- வித்யாசன்
பாடும் கருங்குயிலென ஓசை பிறந்ததென்ன
தாளம் போடும் மழையென இன்பம் பொழிந்ததென்ன
தேடும் நதியென ஆசை நீண்டு வளர்ந்ததென்ன
ஓங்கி வளரும் காடினைப்போல் காதல் ஆவதென்ன
துளை மூங்கிலில் முங்கிடும் காற்றைப்போல் ராகம் கசிந்ததென்ன
மேவிடும் மலைக்குன்றென நேசம் கூடுவதென்ன
சுடர் ஒளிவிடும் சூரியனாய் எங்கும் எனைச் சூழ்வதென்ன
காரிருளில் முளைக்கும் விண்மீனாய் கண்ணில் கனவு பூப்பதென்ன
மாரினில் தஞ்சம் புகும் முகமாய் மஞ்சத்தில் மயங்குவதுமென்ன
யார் யாரோ வந்தாலும் உனக்கிணையாகிடா ததென்ன
நாம் ஓருயிர் என்றாகினும் தனித்தனி ஈருடலாவதென்ன
சகியே ~~~
- வித்யாசன்
கருத்துகள் இல்லை:
கருத்துரையிடுக