இது எங்கள் தேசம்
எங்கெங்கு காணினும் சுதந்திர வாசம்
எங்கள் தேசம்
இது எங்கள் தேசம்
எங்கெங்கு கேளீர் சுதந்திர கோசம் ;
ரத்தம் சிந்தி கையில் ஏந்தினோமே
யுத்தம் பல செய்து வாங்கினோமே
சித்தம் கலங்கி நில்லோமே
எங்கள் சக்தியாவும் வந்தே மாதரம் என்போமே ;
அடிமை விலங்கை உடைத்தோமே
அன்னியர் உடமையினை எரித்தோமே
மடமையினை முறித்தோமே
கொண்ட கடமையினை செய்து முடித்தோமே
யாவரும் சமமென உரைத்தோமே
எங்கும் பொங்கும் மகிழ்ச்சியினை விதைத்தோமே ;
கண்ட கனவது பலித்ததே
காற்றென சுதந்திரம் இந்நாள் கிடைத்ததே
காலம் மாறினும் கைகள் ஒன்றாய் சேர்த்ததே
கண்டவர் மயங்கிட யாவிலும் வென்றோமே
காரியமதில் உறுதியுண்டு விண்ணில் பறந்தோமே ~~~
- வித்யாசன்
கருத்துகள் இல்லை:
கருத்துரையிடுக